महाराष्ट्राच्या किनारपट्टीवरील बहुसंख्य लोकांचे आवडते सीफूड म्हणजे Silver Pomfret रुपेरी पापलेट मासा. राज्याचे वनमंत्री सुधीर मुनगंटीवार यांनी नुकतंच महाराष्ट्रातील Silver Pomfret ला ‘राज्य मासा’ म्हणजेच State Fish म्हणून घोषित केले. केंद्रीय मत्स्यव्यवसाय मंत्री पुरुषोत्तम रुपाला यांच्या उपस्थितीत मुनगंटीवार यांनी ही घोषणा केली. मुनगंटीवार म्हणाले की, या निर्णयामुळे महाराष्ट्रातील सिल्व्हर पॉम्फ्रेटचे संवर्धन आणि उत्पादन वाढीस मदत होणार आहे.
यांत्रिक मासेमारीमुळे धोक्यात आलेल्या सिल्व्हर पॉम्फ्रेटला वाचविण्यासाठी सरकारने निर्णायक पावले उचलावीत, अशी मागणी नुकतीच राज्यातील मच्छीमारांनी केली होती. लोकप्रियतेमुळे सिल्व्हर पॉम्फ्रेटची मासेमारी प्रमाणाबाहेर होत असल्याचा आरोप मच्छीमारांनी केला होता. गेल्या काही वर्षांत किनारपट्टीच्या पाण्यात सिल्व्हर पॉम्फ्रेटचे प्रमाण मोठ्या प्रमाणात घटल्याचा दावा मच्छीमार संघटनांनी केला.
हेही वाचा: यंदाचे पक्षिमित्र संमेलन सांगली मध्ये
सिल्व्हर पॉम्फ्रेटची घटती संख्या पाहता या प्रजातीचे पूर्ण वाढलेले मासे पकडणे अवघड आहे. किनारपट्टीवरील महाराष्ट्रीयन पाककृतींमध्ये सिल्व्हर पॉम्फ्रेट इतके लोकप्रिय असण्याचे कारण म्हणजे त्याची विशिष्ट चव. शासनाच्या या निर्णयामुळे या प्रजातीचे संरक्षण होऊन राज्यात त्याच्या संवर्धन आणि उत्पादन वाढीवर लक्ष्य केंद्रित होण्याची शक्यता आहे.
महाराष्ट्राचे राज्य फळ म्हणून आंबा, राज्य प्राणी म्हणून शेकरू, राज्य फूल म्हणून ताम्हण आणि राज्य पक्षी म्हणून पिवळ्या पायाची हरोळी आहे. ताज्या घोषणेसह, दक्षिण आणि आग्नेय आशिया आणि मध्य पूर्वेच्या किनारपट्टी भागातील रुपेरी पापलेट मासा आता या यादीत समाविष्ट झाला आहे.
आपल्या परिसरातील निसर्गविषयक घडामोडी, बातम्या, लेख “निसर्गवार्ता” मध्ये प्रसिद्ध करण्यासाठी कळवा अथवा लिहा : info@nisargaranga.com
निसर्गवार्ता च्या WhatsApp ग्रुप मध्ये आपल्याला वेळोवेळी मिळतील आमचे विविध Updates. इथे क्लिक करून निसर्गवार्ता WhatsApp Group Join करा.
