यंदाचे पक्षिमित्र संमेलन सांगली मध्ये Maharashtra Pakshimitra Sammelan Sangli

पक्षिमित्रांचे संघटन असलेली महाराष्ट्र पक्षिमित्र ही संस्था राज्यात गेली चार दशके कार्यरत असून, पक्षी अभ्यास, संवर्धन व जनजागृती यासाठी कार्यरत असलेल्या या संस्थेची राज्यस्तरीय तसेच विभागीय स्तरावर पक्षिमित्र संमेलने होत असतात. अशा प्रकारचे संघटन आणि संमेलने घडवून आणणारे महाराष्ट्र हे देशातील एकमेव राज्य आहे.

या वर्षीचे ३६ वे महाराष्ट्र पक्षिमित्र संमेलन सांगली येथील बर्ड साँग या संस्थेच्या यजमानपदाखाली, नवभारत शिक्षण मंडळाचे शांतिनिकेतन लोक विद्यापीठ संकुल, सांगली येथे २३ आणि २४ डिसेंबर २०२३ दरम्यान होत आहे. या संमेलनाच्या एक दिवस आधी दिनांक २२ डिसेंबर रोजी “पक्ष्यांचे आवाज” या विषयावरील पहिली राष्ट्रीय स्तरावरील परिषद सुद्धा आयोजित केली जाणार आहे.

या संमेलनाचे संमेलनाध्यक्ष म्हणून जेष्ठ वन्यजीव अभ्यासक श्री. अजित उर्फ पापा पाटील यांची निवड करण्यात आली आहे. पापा पाटील यांनी मानद वन्यजीव रक्षक सांगली म्हणून काम केले असून, राज्याच्या वन्यजीव मंडळावर सुद्धा सदस्य म्हणून त्यांनी काम केले आहे.ते गेली अनेक वर्षे वन्यजीव शिकार व तस्करी, जंगल तोड, खाण उद्योगाचे अतिक्रमण या सारख्या संवेदनशील विषयावर काम करीत आहेत. ते सर्प अभ्यासक असुन व त्यांनी सापांचे संवर्धनासाठी सुद्धा विशेष कार्य केलेले आहे. ते महाराष्ट्र पक्षिमित्रचे जेष्ठ सभासद असून अनेक संमेलनात त्यांचा सहभाग राहिलेला आहे.

महाराष्ट्र पक्षिमित्र राज्य कार्यकारिणी तर्फे श्री. अजित उर्फ पापा पाटील यांची एकमताने निवड करण्यात आल्याची महिती संघटनेचे अध्यक्ष डॉ. जयंत वडतकर यांनी दिली आहे.

हेही वाचा : बर्ड मॅन ऑफ ऑफ इंडिया

आपल्या परिसरातील निसर्गविषयक घडामोडी, बातम्या, लेख “निसर्गवार्ता” मध्ये प्रसिद्ध करण्यासाठी कळवा अथवा लिहा : info@nisargaranga.com

निसर्गवार्ता च्या WhatsApp ग्रुप मध्ये आपल्याला वेळोवेळी मिळतील आमचे विविध Updates. इथे क्लिक करून निसर्गवार्ता WhatsApp Group Join करा.