भारतात व्याघ्र संवर्धनासाठी संरक्षणासाठी ५० वर्षांपूर्वी ‘प्रोजेक्ट टायगर’ Project Tiger ची सुरुवात झाली. या निमित्ताने केंद्र सरकारचे अर्थ मंत्रालय ५० रुपयांचे चे विशेष नाणे 50 Rupee Coin जारी करणार आहे.
कसे असणार आहे हे नाणं ?
या संदर्भात अधिसूचना जारी करताना केंद्रीय अर्थ मंत्रालयाच्या आर्थिक व्यवहार विभागाने सांगितले की, नाण्याच्या एका बाजूला ५० रुपयाचा आकडा तर उलट बाजूच्या मध्यभागी वाघाचे चित्र असेल. चित्रासमोरील नाण्याच्या उजव्या बाजूला १९७३ – २०२३ कोरलेले असेल. नाण्यावर हिंदीमध्ये ‘५० वर्षांचे प्रोजेक्ट टायगर’ आणि इंग्रजीमध्ये ‘५० वर्षांचे प्रोजेक्ट टायगर’ असे लिहिलेले असेल.
ही वाचा: SARISKA व्याघ्र प्रकल्पात येणार अस्वल SLOTH BEAR
हे नाणे चतुर्थांश धातूचे आणि ४४ मिमीचे गोलाकार असेल. चतुर्थांश मिश्रधातूमध्ये चांदीचा वाटा ५० टक्के, तांबे ४० टक्के, निकेल ५ टक्के आणि जस्त ५ टक्के असेल. दातेरी कडांची संख्या २०० असेल. नाण्याचे वजन ३५ ग्रॅम असेल. त्यावर ‘सत्यमेव जयते’ कोरलेले असेल. त्याच्या डाव्या परिघावर देवनागरी लिपीतील ‘भारत’ हा शब्द असेल आणि उजव्या परिघावर इंग्रजीत ‘इंडिया’ हा शब्द असेल. सिंह स्तंभाखाली रुपयाचे चिन्ह आणि आंतरराष्ट्रीय अंकांमध्ये मूल्य ₹५० हे देखील असेल.
तत्कालीन पंतप्रधान इंदिरा गांधी यांनी १ एप्रिल १९७३ रोजी देशात ‘प्रोजेक्ट टायगर’ सुरू केला होता. सध्या देशात ५३ व्याघ्र प्रकल्प असून वाघांची संख्या सुमारे २५०० आहे. उत्तराखंडच्या जिम कॉर्बेट राष्ट्रीय उद्यानाला देशातील पहिला व्याघ्र प्रकल्प होण्याचा मान मिळाला होता. तर महाराष्ट्रात एकूण पाच टायगर प्रोजेक्ट आहेत. चंद्रपूर जिल्ह्यात देशातील सर्वाधिक २०३ वाघांचे वास्तव्य आहे.
आपल्या परिसरातील निसर्गविषयक घडामोडी, बातम्या, लेख “निसर्गवार्ता” मध्ये प्रसिद्ध करण्यासाठी कळवा अथवा लिहा : info@nisargaranga.com
निसर्गवार्ता च्या WhatsApp ग्रुप मध्ये आपल्याला वेळोवेळी मिळतील आमचे विविध Updates. इथे क्लिक करून निसर्गवार्ता WhatsApp Group Join करा.
